EDU 411 GDB solution Spring 2023

 

EDU 411

GDB Solution

Spring 2023

 

 

سوال: انتخاب لفظ کے پانچ عمومی اصول تحریر کریں۔

 

بچوں کا ذخیرہ الفاظ بڑھانے کے لیے بالائ  سطور میں سفارش کی گئی کہ محدود ذخیرہ الفاظ کا طریقہ بہتر ہے۔ اس طریقہ میں ہم مرتب انداز میں بتدریج بچوں کے ذخیرہ الفاظ میں اضافہ کر پاتے ہیں۔ اس سلسلہ میں ذیلی اصولوں کو مد نظر رکھا جائے تو جمع ہونے والا ذخیرہ الفاظ زیادہ موثر اور مضبوط ہوگا۔

 

١۔                                                                                 ذخیرہ الفاظ ترتیب دیتے وقت جماعتی سطح کو ملحوظ رکھنا بنیادی اہمیت کا حامل ہے۔ اگر اسباق میں شامل الفاظ بچوں کی ذہنی یا جماعتی سطح سے بالاتر ہوں گے تو وہ ان الفاظ کو زیادہ دیر تک یاد نہیں رکھ پائیں گے۔

 

٢۔                                                                                                            جماعتی سطح کے مطابق الفاظ بتانے کے ساتھ ساتھ اجزائے کلام کی تدریس بھی الفاظ کا ذخیرہ بڑھانے میں معاون ہوتی ہے۔ یعنی اشیاء کے نام سکھاتے ہوئے اگر بچوں کو اسم سے متعارف کروایا جائے اور مختلف اعمال یا کام بتاتے وقت یہ بتا دیا جائے کہ کام کرنے یا ہونے کو فعل کہتے ہیں تو بچے ان الفاظ کو بہتر طور پر سیکھ پائیں گے۔

 

۳۔                                                                             اسباق میں شامل الفاظ بچوں کے گردونواح سے تعلق رکھنے والے ماحول سے متعلق ہونے چاہیے بصورت دیگر ان الفاظ کا استعمال نہیں ہوگا اور بچے وقت گزرنے کے ساتھ ساتھ یہ الفاظ بھولنے لگیں گے۔

 

۴۔                                                                             ذخیرہ الفاظ کی ترتیب مقرون سے مجرد کی بنیاد پر ہونی چاہیے۔ یعنی پہلے ٹھوس اشیاء کے الفاظ سکھائے جانے چاہیے اور بعد میں احساسات و جذبات اور خیالات سے تعلق رکھنے والے الفاظ کی طرف بڑھنا چاہیے۔

 

۵۔                                                                                                   ذخیرہ الفاظ میں اضافہ کا ایک اصول مصادر سے مشتق سکھانا بھی ہے۔ یعنی پہلے وہ الفاظ سکھائیں جائیں جو خود تو کسی لفظ سے نہیں نکلتے لیکن ان سے بہت سے الفاظ نکلتے ہیں۔ اول الذکر الفاظ کو مصدر اور آخر الذکر الفاظ کو مشق کہتے ہیں مثلا ہنسنا سے ہنسا، ہنسنے والا، ہنسی وغیرہ۔